Миран Жанарбаевды XXIII Эл аралык орус романсы «Романсиада» сынагында II даражадагы байге алышы менен чын дилибизден куттуктайбыз!

К. Молдобасанов атындагы Кыргыз улуттук консерваториясынын (Академиялык ырдоо кафедрасы) 5-курсунун студенти Миран Жанарбаев орус романстарынын жаш аткаруучулары арасында өтүүчү XXIII Эл аралык «Романсиада» сынагынын жеңүүчүлөрүнүн бири болду. Анын финалы 2019-жылдын 8-декабрында Москва шаарындагы Чиркөөлөр жыйындар залында өттү.

Сынактын 9 тандоо этабына дүйнөнүн ар кайсы өлкөлөрүнөн 500дөн ашык аткаруучу катышып, жыйынтыгында 12 мыкты жаш аткаруучу финалга чыкты. Алар Россиядан, Казакстандан, Македониядан, Беларусиядан, Кыргызстандан, Өзбекстандан жана Кытайдан келишкен.

Мирандын бул жетишкендиги — өлкөбүз үчүн чоң сыймык!